Sezoni turistik në Lezhë vijon të gjallërojë edhe në fund të shtatorit, duke sjellë pushime të qeta dhe relaksuese për vizitorë vendas e të huaj.
Kryeministri Edi Rama publikoi pamje nga Kune-Shëngjini, ku rreth 100 autokampera me turistë gjermanë kanë ndaluar gjatë fundjavës, si pjesë e aventurës ndërkombëtare “Five Mountains”.
“Rreth 100 rulota me turistë gjermanë kanë ndaluar në Kune, Shëngjin, këtë fundjavë, pjesë e turneut të aventurës Five Mountains,” – shkroi Rama në rrjete sociale.
Sipas tij, ky udhëtim i veçantë që përfshin eksplorimin e disa prej destinacioneve më të bukura malore dhe natyrore të Shqipërisë, dëshmon për potencialin turistik të Lezhës dhe vlerat e saj unike.
“Five Mountains Edition 7” është një tur ndërkombëtar udhëtim-adventure (off-road) që zhvillohet në pjesën jugore të Ballkanit dhe pranë brigjeve të Adriatikut, duke tërhequr qindra turistë të pasionuar pas eksplorimit natyror dhe kulturor.