Iu deshën tre vite punë, për t’i dhuruar lexuesit “Sagën e jetëve Legjendë”. Gazetari Arjan Konomi përmes stilit rrëfyes ka sjellë jetët e 5 personazheve të rëndësishëm në Historinë e njerëzimit.
“Ideja është kjo: që të përhapesh më shumë kulturën botërore në fusha të ndryshme, nga diplomacia, nga arti, nga historia, nga shkenca dhe ku ka më bukur ti mësosh këto gjëra nëpërmjet jetës së këtyre personazheve të famshëm siç janë te saga 2. Lenini, Mata Hari, Luigji i 14-te, Marie Currie dhe Aleksandri i Madh”, shprehet ai.
Arjan Konomi tregon se përmes këtij libri gjithkush ka mundësinë të njohë kulturën, dashuritë e jetës, dramat, dhimbjet dhe vuajtjet e personazheve duke nisur nga Aleksandri i madh deri tek Lideri i revolucionit rus, Vladimir Lenini.
“Mund të marrësh kënaqësinë e leximit sepse është shkruar me një stil rrëfyes sikur lexon një roman. Ndërkohë merr shumë elementë të kulturës së përgjithshme, është një mundësi shumë e mirë për të rritur bagazhin kulturor të njeriut, për të njohur më tepër historinë artin kulturën dhe të gjitha këto të bëjnë njeri tjetër”. Saga e jetëve legjendë është i dyti i këtij lloji i sjellë për publikun pas suksesit të librit të parë.