Deputetja më e votuar e qarkut të Elbasanit Sara Mile, në ditën e parë të Kuvendit ka vendosur dhe një shall në qafë, për të cilin është shprehur se simbolizon të gjithë baltën dhe paragjykimet që opozita ka hedhur mbi të gjatë gjithë kësaj kohe.
“Kam vënë një shall sot, nuk e kam thjeshtë aksesor, është gjithë balta, gjithë akuzat gjithë paragjykimet që janë hedhur për mua gjatë gjithë kësaj rruge.
Kam një mesazh për të gjitha vajzat që në jetë nuk të përcakton aspak balta, por puna.
Edhe tani në punët e Parlamentit do të keni mundësi të më njihni, do më njohë dhe opozita dhe shpresoj që të kenë guximin të kërkojnë dhe ndjesë kur të shohin se kush është Sara në punët e Parlamentit”, tha Sara Mile.