3 kandidatë janë në garë për bashkinë e Vlorës, në zgjedhjet që do të mbahet më 9 nëntor. Përballë Brunilda Mersinit nga Partia Socialiste do të garojë jo vetëm Dionis Sota, i cili gëzon mbështetjen e opozitës, por edhe Gjergji Nika si kandidat i pavarur.
KQZ e ka regjistruar këtë të enjte zyrtarisht Nikën si kandidat dhe emri i tij do të jetë i treti në fletën e votimit. Kujtojmë se Nika aktualisht është Këshilltari i Partisë Demokratike në Vlorë.
“Pas vendimit të Kolegjit Zgjedhor të datës 30 Tetor 2025, Komisioneri Shtetëror i Zgjedhjeve shqyrtoi projektvendimin “Për regjistrimin dhe caktimin e numrit rendor në fletën e votimit për kandidatin për Kryetar Bashkie z. Gjergji Nikë Nika, i propozuar nga zgjedhësit, për Bashkinë Vlorë, për zgjedhjet e pjesshme vendore në disa njësi të qeverisjes vendore, të datës 9 nëntor 2025”.
Komisioneri vendosi regjistrimin e z. Gjergji Nikë Nika, si kandidat për kryetar të Bashkisë Vlorë, i propozuar nga zgjedhësit dhe do të renditet i treti në fletën e votimit të njësisë zgjedhore Bashkia Vlorë”, thuhet në njoftimin e KQZ.