Nga Erl Kodra –
Se kush është Edi Rama, shqiptarët e kanë marrë vesh me kohë. Bëmat e tij po i provojmë përditë në kurriz. Kundërshtimi ndaj Ramës ka tejkaluar ndarjet politike; tashmë ato janë kthyer në urrejtje, njësoj siç urrehet një hajdut, kriminel dhe vrasës i pabesë. Sepse i tillë është ai: asgjë më pak se sa një kapo mafioz. Shteti sipas Ramës është veçse një batutë, që mbështetet pa mëdyshje nga Ambasadorja Yuri Kim dhe dishepujt e tij të njohur mediatik. Meqë ra fjala, larja e Edit është një punë e neveritshme, por që paguhet mirë.
Në fakt ky shkrim nuk është për Edi Ramën, por për Partinë Demokratike. Le t’i themi disa gjëra me emrin e tyre të vërtetë, pavarësisht nëse janë apo jo politikisht korrekte.
Prandaj kam nevojë që këtë shkrim ta lexoni me kujdes në çdo paragraf dhe fjalë. Ndonjëherë disa gjëra duhet të shpjegohen me detaje. Përndryshe, nënvetdija jonë hynë në labirinthe inferiore: ne mbetemi pengje të slloganeve mashtruese dhe të dekleratave të ndërkombëtarve.
Pas terrorit 50 vjeçar të PPSH-së, shqiptarët krijuan Partinë Demokratike. Ajo parti u krijua për t’i mbrojtur qytetarët, për të mbrojtur jetën, pasurinë, nderin dhe dinjitetin e tyre. Megjithse gjërat nuk u bënë edhe aq mirë, ne aq mundëm të bënim atëherë. Kur them “NE”, unë kam parasysh qytetarët e këtij vendi; sepse Partia Demokratike lindi si vullnet i shqiptarve. Në këtë kuptim, PD nuk ka asnjë ngjashmëri me PS-në, trashgimtaren e Partisë Punës.
Partia Demokratike ekziston për të mbrojtur shqiptarët. Ajo lindi si një nevoj ekstreme, pikërisht atëherë kur ekzistenca jonë ishte në rrezik. Atë’kohë nuk kishte nevojë për të shpjeguar se kush ishte PPSH, se kush ishte komunizmi. E dinim shumë mirë, ashtu siç e dimë sot se kush është Edi Rama. Ne thjesht kemi nevojë uluritëse për të mbrojtur jetën, pasurinë dhe dinjitetin tonë. Ne kemi nevojë për Partinë Demokratike, sepse nuk mund të krijojmë një parti tjetër demokratike. Ajo është krijesa jonë, institucioni i vetëm që kemi. Të tjerat i ka Edi Rama.
Ambasadorja Yuri Kim mund të bëj çdo lloj deklerate. Duket qartë se ajo është pozicionuar hapur në mbrojtje të Ramës, për arsyet e veta, sigurisht. Këtu nuk është vendi për t’i treguar vendin një zonje, por është koha për të kryer detyrën para qytetarëve shqiptar, si Parti Demokratike. Fundja, a nuk është e jona ajo parti? Edhe njëherë, ne nuk kemi nevoj të dëgjojmë shpjegime rreth Edi Ramës. E njohim shumë mirë.
Mbajeni mend mirë; se Edi Rama do t’i vjedhë zgjedhjet e 25 prillit. Kot nuk e shkeli Marrëveshjen me Opozitën, kot nuk i bëri ndryshimet Kushtetuese, kot nuk po bën lëmsh adresat e zgjedhësve. Ai do të përdorë çdo mjet për të arritur qëllimin; të tjetërsojë vullnetin e qytetarëve. Këtë do ta bëj hapur, njësoj siç bëri më 2015, 2017 dhe 2019. Ai nuk ka turp, nuk ka skrupuj, nuk ka frikë. Ai e di se Ambasadorja Kim dhe Ambasadori Soreca do të bëjnë të njëjtat deklerata. Por me 26 prill do të digjet Shqipëria, jo Bashkimi Europian ose Shtetet e Bashkuara.
Ne e dimë që jemi pa buk, pa ujë, pa shpresë. Të vjedhur, të mashtruar dhe të rrahur nga një shkërrdhatë si Edi Rama. Prandaj nuk ka nevoj që të njëjtat gjëra t’i dëgjojmë përditë. Uria nuk ka nevojë për shpjegim. Vrasja nuk ka nevojë për shpjegim. Vdekja nga Covid-19 nuk ka nevojë për shpjegim. 140 milion eurot për Françesko Beketin nuk kanë nevojë për shpjegim. Ne kemi nevojë për zgjidhje. Dhe zgjidhjen e kërkojmë tek organizmi i vetëm politik që kemi; Partia Demokratike e Shqipërisë.
Partia Demokratike duhet të gjej zgjidhjen, menjëherë. Të mos presë duke fërkuar duart me shpresën se sidoqoftë, Rama nuk do të arrijë të vjedhë aq shumë vota, sa të tjetërsojë rezultatin. Sepse ai do të vjedhë aq vota sa i duhen, do të blejë, do të mashtrojë, do të bëj gjithçka për të kapur 71 deputet.
Pse, do të mendoni se ka turp ai? Apo po mendoni se Yuri Kim do t’i bëj presion? Apo Luigi Soreca? Zgjohuni nga kjo ëndërr mashtruese sa nuk është vonë. Detyra juaj është t’u dilni për Zot qytetarve, përndryshe, çfarë kuptimi ka ekzistenca e Partisë Demokratike?! Mos u kompleksoni nga dekleratat e askujtë, aq më tepër nga ajo zonja që bekoi ndryshimet kushtetuese. Askush nuk ka forcë dhe argumenta të ju fajsojë nëse mbroni popullin tuaj.
Bëni detyrën tuaj para popullit. Sepse jeni Partia Demokratike e Shqipërisë.