Transformimi i zonës së Zdrales në Shkodër po përparon me ritme të shpejta. Sipas një njoftimi të fundit nga kryetari i Bashkisë Shkodër, Benet Beci, ka filluar shtrimi i pllakave në një pjesë të segmentit të rrugës “Hamz Kazazi”, ndërsa kantieri është hapur deri në fundin e segmentit pranë sheshit në Zdrale. Ky investim synon përmirësimin e infrastrukturës në shërbim të banorëve dhe bizneseve të zonës.
Projekti për transformimin e Zdrales përfshin ndërhyrje në rrugë, sheshe dhe fasada, duke i dhënë përparësi këmbësorëve dhe çiklistëve, ndërsa qarkullimi i automjeteve do të rregullohet me orare të caktuara.
Postimi i plotë:
Mirëmëngjes!
Transformimi i zonës në Zdrale po merr formë. Ka nisur shtrimi i pllakave në një pjesë të segmentit të rrugës “Hamz Kazazi”, ndërsa kantieri është hapur deri në fundin e segmentit pranë sheshit në Zdrale.
Puna po vijon me ritme të shpejta për të përfunduar investimin në kohën e duhur, në shërbim të banorëve dhe bizneseve të zonës.
Ditë të mbarë!