Këtë të mërkurë KQZ i dha dritën jeshile rezultatit të dalë nga zgjedhjet e 11 Majit për qarkun Tiranë dhe ndarjes së mandateve. Kreshnik Çollaku në një reagim shpreh vendosmërinë e tij për atë që e quan farsë elektorale. Për të, Ilir Alimehmeti me 19 mijë vota nuk hyn në Parlament, kurse kandidati PSD me 2500 vota futet në Kuvend.
”Shikoni me çfarë Kodi Zgjedhor u zhvilluan këto zgjedhje. Në Tiranë, kandidati i PD-së me 19 mijë vota (rasti i Ilir Alimehmetit) nuk merr mandatin si deputet.
Ndërkohë, një kandidat i PSD-së (A.M.) me 2.500 vota e fiton mandatin si deputet.
Debati mbi farsën elektorale duhet të nisë me një kërkesë faljeje nga PD-ja dhe grupi i saj parlamentar, të cilët dhanë votat për këtë Kod Zgjedhor, që është një kurth dhe një vrasës i opozitës”,-shkruan Çollaku.