Përveç tregut të Rusit, i cili është në fazën përfundimtare të punimeve Bashkia Shkodër është shpallur fituese e një projekti për rikonstruksionit të plotë të mërkatës së mishit në këtë zonë. Ka qënë vetë kryetari i Bashkisë Shkodër Benet Beci i cili ka ndarë këtë lajm me tregtarët e merkatës në Rus.
Ai ka bashkëbiseduar me tregtarët për detajet teknike dhe rikonstruksionin e plotë që do të përfshijë këtë zonë tregtare të qytetit të Shkodrës.
Projekti i fituar nga Bashkia për merkatën e Rusit, do të ridimensionojë zonën për ta kthyer atë në një mjedis të përshtatshëm por edhe atraktiv, i cili do të ofrojë hapësira të nevojshme për tregtim të produkteve blegtorale. Realizimi i ndërhyrjes së rikualifikimit të mjediseve të brendshme do të përfshijë: Punime prishje dhe gërmimi dhe punime për KUB, KUZ, Ujesjelles.rikualifikimi i vendeve të tregtimit të produkteve të mishit, ndërtimi i ambienteve të magazinimit, dhomave frigoriferike, rikualifikimi i fasadave dhe shtresave brenda Merkatës dhe rkualifikim i fasadës së jashtme të merkatës.
Postimi i plotë:
U takova sot me tregtarët e Rusit dhe ndava me ta projektin e fituar nga Bashkia Shkodër për rikonstruksionin e plotë të godinës së merkatës. Bashkëbiseduam për detajet teknike, por edhe pamjen e re që do të marrë kjo godinë që do të kthehet plotësisht në funksion të tregtarëve të mishit dhe peshkut, duke përmirësuar cilësinë e shërbimit për konsumatorët.
Së bashku me tregun ndërhyrja në godinë krijon një kompleks të plotë të tregtimit në kushte sa më optimale për shkodranët.