Kryeministri Edi Rama kishte të ftuar në podcastin e tij “Flasim” tre të rinj të FRPD-së nga Vlora, të cilët kishte takuar disa ditë më parë gjatë një vizite në qytet.
“Këta janë miqtë e PD-së së Vlorës dhe shpresoj të jenë pjesë e gjeneratës së re që do të ndërtojë të ardhmen e opozitës shqiptare. Sepse ose do ta bëjnë siç duhet, ose do të vuajnë si PD-ja” tha Rama.
“Kjo është ndeshja e kthimit,” tha Rama me humor. “U ftova të hedh valle në gojë të ujkut, tani kam ftuar ata që më ftuan, që të hedhin valle në gojë të ujkut”, shtoi më tej Kryeministri.
