Kryetari i Bashkisë Shkodër, Benet Beci, njoftoi për përparimin e punimeve në rrugën “Ardian Kodra” në zonën e Fermentimit. Investimi, i përbashkët i Bashkisë Shkodër dhe Ministrisë së Ekonomisë, ka sjellë përmirësime të dukshme për banorët e zonës. Pjesa nëntokësore e projektit është afër përfundimit, dhe shumë shpejt do të fillojnë punimet për shtrimin e asfaltit, si dhe instalimin e elementeve të tjerë infrastrukturore të parashikuara në projekt. Ky zhvillim do të përmirësojë ndjeshëm kushte e jetesës për komunitetin lokal.
Postimi i plotë:
Mirëmëngjes! Vijon puna në rrugën “Ardian Kodra” në zonën e Fermentimit, një investim i Bashkisë Shkodër dhe Ministrisë së Ekonomisë, që ka një ndikim të drejtpërdrejt për banorët e zonës. Pjesa nëntokësore është drejt përfundimit dhe tashmë pritet të nisë shtrimi i asfaltit bashkë me të gjithë elementet e tjera të përfshira në projektin e rrugëve në këtë zonë. zonë.
