Kryeministri Edi Rama thotë se nga ligji “Paketa e Maleve”, 500 aplikantët e parë do të përfitojnë deri edhe 10 vite zero taksa e zero TVSH.
Sipas Ramës, ligj i ri i sapomiratuar i hap rrugë investimeve në agroturizëm, agropërpunim dhe turizëm malor.
“U jep një mundësi reale dhe mbështetje të posaçme të gjithë atyre që duan të rikthehen në tokat e të parëve nga qyteti apo nga jashtë vendit, për të arritur një sukses ekonomik për familjen e tyre, me procedura krejt të thjeshtuara dhe lehtësira fiskale“, shkruan kryeministri.
