Në orën 18:00 pritet të nis protesta e shoqërisë civile para Kryeministrisë kundër vrasjes së Klodian Rashës.
Gazetarët që janë vendosur në zonën ku pritet të nisë tubimi, thonë se policia u ka komunikuar që të mos vendosin kamera për transmetim live në sheshin mes Kryeministrisë dhe Kryesisë së Kuvendit.
Gazetarja e “News 24”, Doriana Bezat tha se në orën 16:45 drejtues të policisë u kanë vendosur ultimatum gazetarëve të largojnë kamerat nga zona përballë kryeministrisë.
Kjo është hera e parë që policia e shtetit kërkon që kamerat e mediave të mos kenë mundësi të filmojnë zhvillimin e protestës para godinës së qeverisë.
Një urdhër i tillë mund të jetë dhënë vetëm nga kryeministri, sepse Garda e Republikës dhe Policia e Shtetit nuk ka asnjë të drejtë të ndalojë median që të transmetojë zhvillimet për një ngjarje dhe aq më pak për një protestë publike.
Për tubimin e sotëm qytetarët nuk kanë marrë leje te policia. Ndërkohë vendosja e trupave policore dhe reparteve special tregon për masa të rrepta që janë marrë sot nga forcat e rendit. Në kryeministri janë parë të hyrë mjete të blinduara dhe makina që përdoren për të hedhur ujë për shpërndarje turmash, të cilët do të përdoren në rastin e agravimit të situatës.
Lexoni edhe…
- Loja e kryeministrit për të larguar Sandër Lleshin, synon Ballën ose Manjën si ministër
- Vrasja e të riut pse theu orën policore, ”BBC” jehonë protestës
- Në protestë me vajzën 5-vjeçare, djali ish-kryeministrit: Dua të ikë Lleshaj. Më thanë “do vijë shefi…”
- Dhjetori filloi me zjarr, kurse prilli do jetë VULLKAN!
- Policia fillon arrestimet e të rinjve protestues, shpallet në kërkim edhe Stresi
- Numri i dy i qeverisë: Protesta e të rinjve ishte kriminale dhe dhunë e organizuar
- Dy fjalë për shoqatat dhe shoqërinë civile që hesht para një vrasje…
- Ish-ministri i Brendshëm: Gjaku i Klodian Rashës ka nevojë për shpagim moral