Kryeministri Edi Rama ka deklaruar sot se është ndryshuar tashmë perceptimi që BE kishte për vendin tonë, ndërsa shtoi se Shqipërisë i është dashur të luftojë edhe me cinizmin dhe paragjykimin e ndonjë vendi në Bashkimin Europian.
“Kemi luftuar dhëmb për dhëmb me fatin e shkruar keq nga trashëgimia e mëparshme, kemi luftuar me paragjykimin e ndonjë vendi anëtar të BE, dhe kemi arritur që në procesin screening të ndryshojmë 100 për qind gjithçka në perceptimin e partnereve në Bruksel për se kush jemi ne. Jemi në një kulm dhe sfida është ta ruajmë ritmin”, tha Rama mes të tjerash në prezantimin e modulit AI, të zhvilluar brenda platformës së integrimit europian dhe anëtarësimit, e cila përdoret çdo ditë nga më tepër se 1400 ekspertë integrimi.