Në protestat e fundit për vrasjen e Klodian Rashës, policia ka ndaluar e dhunuar edhe gazetarë, ndër ta edhe kryeredaktorin e “Koha Jonë”, Qamil Xhani.
Një reagim lidhur me këtë çështje ka ardhur sot nga ambasadorja e Suedisë në Shqipëri, e cila në një deklaratë të shkurtër në “Twitter” shprehet e shqetësuar për ndalimet e gazetarëve Xhoi Malësia dhe Qamil Xhani.
“Suedia qëndron për të drejtën e çdo gazetari për të bërë punën e tij të lirë nga dhuna dhe ngacmimi, çdo ditë të vitit! Ne jemi të shqetësuar kur mësojmë se Xhoi Malesia & Qamil Xhani u ndaluan të raportonin ndërsa mbulonin protestën”, shprehet ambasadorja Elsa Håstad.
Sweden 🇸🇪 stands up for every journalist’s right to do their job free from violence and harrasment, every day of the year! We are worried to learn that Xhoi Malesia & Qamil Xhani were stopped from reporting while covering the protest. @SwedeninAL
— Elsa Håstad (@EHstad) December 14, 2020