Shumë kënga të vjetra janë përpunuar dhe risjellë me ritme më moderne dhe janë bërë hite. Këngëtarët Faton Isufi dhe Florion Thaqi dhe grupi muzikor ”Atalanta”, kanë bërë remake këngën e vjetër qytetare “Qefe qefe kjo dynja”, të këngëtarit ikonik të muzikës popullore, Myslym Lela.
Projektit “Qefe qefe kjo dynja”, titullohet projekti që e kanë sjell dyshja, të cilën e kanë shoqëruar me videoklip dhe mund ta gjeni edhe në Youtube. Faton Isufi dhe Florion Thaqi, tani janë dyshja më e kërkuar në tregun kosovar për organizimet apo eventet familjare si dasma.
Artisti i ri Florion Thaqi ka publikuar edhe projekte solo, ku më i fundit është ”Sa herë të shoh”. Prej vitesh këndon në gëzimet familjare, kjo falë zërit të magjishëm që ka. Në kohën e sotme ku muzika fast-food po zë peshë shumë, zëra si Florioni duhet që të dëgjohen edhe mbështetur më shumë. Një i ri që këndon muzikën popullore është diçka shumë unike dhe me vlerë për vendin.
Myslym Lela përfaqëson një përzierje të çmueshme dhe dinjitoze që e dallon atë jo vetëm ndërmjet bashkëkohësve te tij, mes të cilëve ai nuk ka të barabartë, por e shquan atë edhe kronologjikisht si një muzikthar të përmasave të mëdha e që ka lenë emër në rrjedhën e folklorin shqiptar në vite. Lela është padyshim një gjigant i bindshëm i tingullit popullor shqiptar.