Pak ditë pas martesës me Cristiano Ronaldon, Georgina Rodriguez raportohet se ka marrë një vendim të rëndësishëm lidhur me familjen e saj.
Sipas raportimeve të mediave portugeze, Georgina ka vendosur të ndërmarrë procedurat për t’u bërë ligjërisht nënë e tre fëmijëve të Cristiano Ronaldos, Cristiano Jr., Mateo dhe Eva, përmes adoptimit.
Vendimi vjen menjëherë pas martesës së çiftit, duke shtuar edhe më shumë vëmendjen rreth jetës së tyre familjare.
Ndërkohë, mediat portugeze kanë zbuluar edhe detaje të tjera nga marrëveshja e lidhur mes Ronaldos dhe Georginës para martesës.
Sipas këtyre raportimeve, në rast se çifti do të ndahej, Ronaldo do të ishte i detyruar t’i paguante Georginës një shumë mujore prej 100 mijë eurosh gjatë gjithë jetës.
Marrëveshja, e cila lidhet me kushtet financiare të çiftit në rast ndarjeje, është bërë pjesë e raportimeve mediatike vetëm pak ditë pas martesës së tyre.
Ronaldo dhe Georgina kanë qenë prej vitesh një nga çiftet më të komentuar të botës së sportit dhe showbizit.