Partizani bën një tjetër ndalesë të papritur në Superiore. Pas dy barazimeve radhazi, skuadra e Ilir Dajës ka pësuar një humbje shokuese 0-1 në “Elbasan Arena” kundër Skënderbeut.
Të Kuqtë krijuan pak shanse shënimi në fraksionin e parë, teksa spikat një rast i Lucas Cardoso në fundin e pjesës së parë. Në minutën e 67-të, pas një aksioni të gjatë të Skënderbeut, Jean Victor lëshon një të djathtë të fortë në hyrje të zonës duke mos i dhënë asnjë mundësi reagimi portierit Hoxha.
Kjo është fitorja e tretë sezonale për ekipin korçar që ngjitet në vendin e parafundit me 16 pikë, ndërkohë që Partizani mbetet e katërta me 39 pikë. /R.Lika-Koha Jone/
