Andrea Pirlo duhet të japë të gjithë eksperiencën e tij të fituar në karrierën si futbollist për të ndihmuar skuadrën e Juventusit. Tashmë me një status të ri si trajner, ish-mesfushori i njohur do të kërkojë të fitojë respektin e yjeve që ka ekipi torinez, teksa “Gazzetta dello Sport” ka zbuluar një detaj shumë interesant. 15 prej futbollistëve fitojnë më shumë se strategu. Vetëm 3 futbollistë marrë një pagë më të vogël se Andrea deri më tani, sipas bordoros së paraqitur nga Juventusi në sezonin e fundit.
Duke parë pagat, vetëm Demiral (1.8 mln euro), Buffon (1.5) dhe portieri i tretë Pinsoglio (0.3) marrin më pak se Pirlo, i cili firmosi një kontratë 2-vjeçare nga e cila do të fitojë 1.8 milionë euro në sezon, pa llogaritur shpërblimet. Ai do të marrë më pak se gjysma e rrogës së Sarrit (5.5 milionë euro në sezon), ndërkohë që Allegri përfitonte edhe më shumë, 7.5 në sezon.
Pirlo dhe Juventusi kanë vendosur që t’i japin kohën e duhur njëri-tjetrit për t’i dhënë atë që meritojnë. Nëse ish-mesfushori do të ketë të njëjtin sukses si Zidane te Reali, me siguri që shumë shpejt do të marrë shpërblimin e merituar. Francezi erdhi nga skuadra e dytë me një pagë shumë të ulët, por kur u largua pas tri triumeve në Champions fitonte 7.5 milionë euro në sezon.
Kur u rikthye pas dështimit të Lopeteguit dhe Solarit, Perez i ofroi një kontratë të majme me 13 milionë euro në sezon. Një rrugëtim të tillë duhet të ndjekë edhe Pirlo, i cili duhet të fitojë eksperiencën e nevojshme për të merituar një rol që e kanë zili shumë strategë të njohur, që të drejtojnë një nga ekipet më të mira në botë. /Rozalb Lika-Koha Jone/
Rrogat te Juventusi
Ronaldo (kontratë deri më 2022) 31 mln euro në sezon
De Ligt (2024) 8
Higuain (2021) 7,5
Pjanic (2023) 7,5
Dybala (2022) 7,3
Ramsey (2023) 7
Rabiot (2023) 7
Bonucci (2024) 6,5
Szczesny (2024) 6,5
Khedira (2021) 6,5
Costa (2022) 6
Alex Sandro (2023) 6
Cuadrado (2022) 5
Bernardeschi (2022) 4
Danilo (2024) 4
Chiellini (2020) 3,5
Rugani (2024) 3
De Sciglio (2022) 3
Bentancur (2024) 2,5
Demiral (2024) 1,8
Buffon (2020) 1,5
Pinsoglio (2021) 0,3