Edi Rama nuk e ka vendosur akoma ku do të mbytet, në Adriatik apo në Jon

Nga Lorenc Goga

“I mbyturi, të mbyt”, thotë një shprehje e urtë shqiptare!

Edi Rama nuk e ka vendosur akoma nëse mbytja do t’i rezultojë më e ëmbël në detin Adriatik, apo në detin Jon, por një gjë ka të sigurtë, që socialistët e vërtetë do të zgjedhin mos të mbyten me të! Socialistët e vërtetë do të zgjedhin rrugën e ndryshimit për një Shqipëri europiane, socialistët e vërtetë nuk do të gënjehen më nga mashtrimet e propagandës fugiane.

Teksa opozita fiton terren drejt arritjes së objektivit të mbi 1 milion votave të shpresës, Rama humb një e nga një të gjithë njerëzit që ka pasur më afër deri sot.

Rama tenton të marrë me vete, në tentativën për mbytjen e kombit, të gjithë opozitën e nesërme, vendos në listat humbëse të gjithë emrat problematikë për të vetmen arsye që t’i rrjepë atyre paratë e inceneratorëve, krimit dhe drogës, duke i detyruar t’i shpenzojnë deri në qindarkën e fundit për blerjen e votave.

Më 25 prill, Edi Rama, i mbyturi që ecën, do të jetë një kujtim i hidhur në memorien e shqiptarëve dhe do të jetë një shembull i mirë se si nuk duhet qeverisur një shtet me ambicie të thella dhe të drejta Perëndimore.

Shqipëria nuk do të mbytet!