Është “tërësisht jorealiste” të presësh që jeta të kthehet në normalitet në vitin 2020, pasi Britania e Madhe nuk mund ta mposhtë koronavirusin derisa të ketë një vaksinë ose trajtim, sugjeroi shefi i shërbimit mjekësor të Anglisë. Chris Whitty tha se shanset për një vaksinë ose trajtim efektiv të disponueshëm në këtë “vit kalendarik” ishin “jashtëzakonisht të vogla”. Dhe kështu, përpjekja e qeverisë duhet të përqendrohet në mbajtjen e infeksionit në një nivel të ulët, në mënyrë që çdo person i infektuar me Covid-19 ta kalojë atë në mesatarisht më pak se një person tjetër.
Një përpjekje për ta bërë këtë mund të sjellë që Shërbimi Kombëtar Mjekësor të mbingarkohet, kështu që ekziston vetëm një gamë e “ngushtë” opsionesh në dispozicion të ministrave kur shqyrtojnë se si të lehtësojnë izolimin aktual, i cili do të rishikohet përsëri në 7 maj.
Këto përfshijnë masa për të balancuar vdekjet e Covid-19 kundër vdekjeve nga shkaqe të tjera sepse SHKM është duke u përqëndruar tek virusi, si dhe duke analizuar nëse bllokimet mund të dëmtojnë shëndetin mendor dhe fizik të njerëzve, dhe nëse ndikimi ekonomik mund të shkurtojë jetën.\
Whitty tha në konferencën e përditshme të Downing Street: “Kjo sëmundje nuk do të zhduket, nuk do të zhduket”. Ai shtoi: “Nëse njerëzit shpresojnë se do të shkojnë direkt në heqje të izolimit, kjo është një pritshmëri jo realiste. Ne do të duhet të bëjmë shumë gjëra për një periudhë mjaft të gjatë, pyetja është se cila është paketa më e mirë”.
Dominic Raab nuk pranoi të thoshte nëse disa kufizime mund të lehtësoheshin në 7 maj, ndërsa pranoi se tani kishte një “rreze” shprese pasi Mbretëria e Bashkuar po kalon kulmin e infeksioneve.
Ai sugjeroi se ka arsye për të qenë optimistë sepse rastet e përditshme të vdekjeve dhe rastet e reja po bien ngadalë, dhe rënia e shtrimeve në spital në Londër. “Ka sigurisht dritë në fund të tunelit, ka një rreze, por ne nuk jemi akoma atje”, tha Raab në një konferencë shtypi të përditshme në Downing Street.
Whitty tha se publiku nuk duhet të presë që numri i vdekjeve të Covid-19 të “bjerë menjëherë” papritmas. Ai shtoi: “Është e rëndësishme që njerëzit ta kuptojnë plotësisht se … edhe në ato vende që filluan kurbën e tyre të epidemisë më herët sesa në Mbretërinë e Bashkuar, dhe të cilat janë akoma përpara, pjerrësia në rënie nga pika që ndryshojmë është relativisht e ngadaltë. Ne duhet të parashikojmë të njëjtën situatë në Mbretërinë e Bashkuar. Ne nuk duhet të presim që kjo të jetë një rënie e papritur e rasteve”. (HuffPost-bota.al)