Shkullaku: Erion Veliaj po projektohet si pasardhës i Ramës në krye të Partisë Socialiste

Gazetari Armand Shkullaku thotë se Erion Veliaj nuk ka qenë një emër i momentit të fundit për Bashkinë e Tiranës, por i caktuar nga Rama shumë kohë më parë.

Sipas Shkullakut, Erion Veliaj është pjesë e një rrethi të afërt të zotit Rama, që kanë patur në plan që në vitin 2003 për të marrë Partinë Socialiste dhe për të drejtuar vendin.

“Bashkia e Tiranës është tramplona për t’u ngritur politikisht dhe Veliaj po projektohet si pasardhës i Ramës në Partinë Socialiste”, ka thënë ai.

Shkullaku shprehet se mohimi që bëri Rama disa muaj më parë në lidhje me kandidaturën e Veliajt për Tiranën, është bërë për të mos demotivuar pjesën tjetër të Partisë Socialiste.