Shqipëria po kalon në check up…

Veç Check up-it shëndetësor si mbulim madhor, gjatë këtij muaji do të hyjë në veprim nga Institucioni më i ri i Vettingut edhe aparati i Makinës së të Vërtetës. Ky aparat që do të kontrollojë trupën e drejtësisë etj shumë shpejt pritet të bëhet familjar. Shqiptarët gënjejnë pa fund e kohë e pa kohë. Ndaj ky aparat mund të shtrihet edhe në sektorë të tjerë…

Nga Ylli Dylgjeri

Muaji Nëndor pritet të jetë muaji i kontrollit  total të shqiptareve. Veç Check up-it shëndetësor si mbulim madhor, gjatë këtij muaji do të hyjë në veprim nga Institucioni më i ri i Vettingut edhe aparati i Makinës së të Vërtetës. Ky aparat që do të kontrollojë trupën e drejtësisë etj shumë shpejt pritet të bëhet familjar. Shqiptarët gënjejnë pa fund e kohë e pa kohë. Ndaj ky aparat mund të shtrihet edhe në sektorë të tjerë. Kërkesat për transparencë janë të mëdha, sa gojët e liga thonë se edhe ky aparat mund të “jepet me koncesion”!!! Problemi i vetëm qëndron se sa do t’i mbajnë linjat elektrike këto aparatura moderne në kushtet e thatësirës dhe të pavërtetave të mëdha që do vërshojnë në publik…

Por check- up-i nuk përfundojnë këtu. Monitorimet nga ajri dhe toka, për parandalimin e kultivimit të drogave është një Check- Up tjetër i territorit të vendin. Për të vijuar me kontrollin antidobing të ekipit të peshëngritjes në kuadër të përgatitjeve për kampionatin botëror që vjen së shpejti. S’duhet harruar se në garat e kaluara treguam se edhe në këtë sport nuk hymë esëll.

Kontrollet më tej do bëhen edhe në nivele të ndryshme të administratës publike, kontrollet ushqimore te AKU-s, apo për matësit e ujit të pijshëm. Këtu nuk kemi parashikuar kontrollet rutinë në qarkullim, hotele, motele, bordelle etj. Pra nëntori është muaji i Check-Up-it

Kontrollet vazhdojnë.