Nga Ylli Manjani-
Kam vënë re se disa komentues dhe portale me prirje apo rrjeshtim nga qeveria e kanë marrë statusin tim të fundit dhe e shesin si “mendim zyrtar i LSI”.
Madje dikush kishte shkruar që “LSI i bën presion Bashës”…
Këto janë absurditete që përdoren në kontekst të caktuar dhe nuk kam ndërmend të sqaroj asnjë portal apo komentues politik.
Ajo që kam shkruar e stërshkruar, thënë e stërthënë këtu në FB por edhe në media mbetet e vërteta sipas meje dhe askujt tjetër.
Unë mendoj lirisht me mendt e mia dhe shprehem me fjalët e mia. Të askujt tjetër, por të askujt fare!
Kështu ka ndodhur me mua gjithmonë, ndaj dhe partitë nuk para pëlqejnë njerëz që mendojnë me mendt e veta.
Po të kisha menduar me mendt e partive sot do isha ende lart diku në ndonjë dikaster duke bërë pallë dhe jo në FB duke ndarë fjalë.
Edhe kur kam shërbyer ministër, kam patur piketat e përgjithme politike parasysh, por deklaratat, qëndrimet zyrtare kanë qenë të miat pa asnjë ndikim tjetër, përvec se ligjor, moral e social.
Asnjë apo asnjë ndikim politik nuk arriti të depërtojë në qëndrimet e mia,të cilave ju mbetem besnik edhe sot e kësaj dite, sepse kanë qenë parimore.
Kuptohet, ndaj dhe u shkarkova…
Prandaj të thuash sot se statuset e mia qenkan qëndrim zyrtar i LSI është gënjeshtër dashakeqëse.
Jo se nuk do më vinte mirë që LSI të dëgjonte këshillën time, por e vërteta është se ato mendime janë të miat.
Me parti pa parti mendimet e publike të shprehura nga unë janë të miat!
Dhe për ato mendime nuk jap llogari askund. Në shoqërinë demokratike llogari jepet për veprimet e jo për mendimet.
Ta flenë mendjen kushdo që sheh lojra politike tek deklarimet e mia.
Unë kaq kam për të thënë dhe skam ndërmend ta them përherë, pas çdo shfaqje mendimi…
Manjani: Rama duhet mundur në pushtet. Opozita fiton bindshëm