Kërcënimet e Iranit, Presidenti Meta: Jemi përkrah SHBA. Shqipëria nuk është një vend djallëzor, por një vend demokratik
Presidenti Ilir Meta ka reaguar ndaj deklaratave të liderit të Iranit, Ajatollah Khamenei, kundër Shqipërisë ditën e sotme. Në një deklaratë në rrjetet sociale, Presidenti dënon sulmin e Iranit ndaj bazave të SHBA dhe shprehet se “Shqipëria nuk është një vend djallëzor, por një vend demokratik që ka vuajtur nga një diktaturë djallëzore e pashembullt, ndaj të drejtat e njeriut i ka të shenjta”.
“Raketat e lëshuara nga Irani drejt dy bazave ushtarake irakiane që strehojnë ushtarakë amerikanë dhe personel të koalicionit, janë një veprim provokues me pasoja të rrezikshme për rajonin dhe stabilitetin e tij. Irani duhet të respektojë marrëveshjet ndërkombëtare, ligjet ndërkombetare dhe detyrimet e tyre në interes të paqes.
Shqipëria nuk është një vend djallëzor, por një vend demokratik që ka vuajtur nga një diktaturë djallëzore e pashembullt, ndaj të drejtat e njeriut i ka të shenjta. Prej dy dekadash Shqipëria mbetet e vendosur në angazhimet e saj përkrah SHBA dhe vendeve të NATO-s në luftën kundër terrorizmit ndërkombëtar dhe çdo akti që vë në rrezik stabilitetin dhe paqen në botë”,- shprehet kreu i shtetit Ilir Meta.
Lexoni edhe…
- Irani sulmon bazat ushtarake të SHBA në Irak. Praglufte!
- FOTO-VIDEO/Dëmet e shkaktura nga raketat e Iranit në bazën e SHBA
- Fatmir Mediu: Prezenca e opozitës iraniane këtu na kthen në target, por jemi vend i NATO
- Si shpallet “Gjendja e Luftës” në SHBA, nisur dhe nga konflikti me Iranin
- Lideri i Iranit kërcënon SHBA dhe përmend Shqipërinë: Një vend i vogël dhe djallëzor
- Kërcënimet e Iranit, kryeministri Edi Rama: Shqipëria nuk është e ekspozuar direkt
