Sipas asaj që raporton Sky Sports në Angli, po shtohet ndjeshëm numri i klubeve të mëdha të interesuara për sulmuesin e Bournemouth, Antoine Semenyo. Pas Liverpoolit, Manchester Unitedit dhe Manchester Cityt, edhe Chelsea ka hyrë zyrtarisht në garë për shërbimet e futbollistit.
“Blutë” e Londrës kanë kërkuar informacione mbi kërkesat financiare të Bournemouth dhe mënyrat e mundshme të pagesës, megjithatë në këtë fazë nuk po mendojnë për një transferim të përhershëm. Aktualisht, Manchester City i Pep Guardiolës konsiderohet në pole position për të siguruar firmën e sulmuesit, edhe pse ende nuk ka një marrëveshje të arritur mes palëve. Një faktor i rëndësishëm mbetet edhe dëshira e vetë lojtarit, i cili shihet me sy të mirë një transferim te kampionët e Anglisë.
Semenyo ka në kontratë një klauzolë lirimi prej 65 milionë paundësh (rreth 74.4 milionë euro), e vlefshme duke nisur nga janari. Në të kaluarën interes kishte shfaqur edhe Tottenham, por londinezët duket se janë tërhequr nga pista.
