Sot dhe sonte protestuesit kanë marshuar në të gjitha rrugët e Tiranës, ku përplasjet me të dhunshme ishin te Bulevardi kryesor, sheshi “Skënderbej” dhe afër godines së parlamentit. Nga protestuesit kishte shumë molotov kurse policia gaz lotësjellës me shumicë, por edhe plumba gome. Mësohet se ka disa të plagosur nga të dyja palët, por nga radhët e gazetarëve.
Ora 19:30. Protesta është zhvendosur në Rrugën e Kavajës, ku adoleshentë të maskuar kanë vendosur barrikada me kangjella dhe u kanë vënë zjarrin koshave të mbeturinave. Po ashtu është sulmuar me sende të forta një bankë e nivelit të dytë. Protesta shënon sot ditën e 12-të, ku pati përplasje të forta në sheshin “Skënderbej” dhe bulevardin “Dëshmorët e Kombit”
Ora 19:07. Kreu i grupit parlamentar të PS-së, Taulant Balla, ka publikuar një foto të disa komunikimeve që, sipas tij, lidhen me protestuesit e sotëm. Në mesazhet e publikuara pretendohet se është dhënë urdhër për djegien e qendrës tregtare Toptani dhe hotel Plaza në qendër të Tiranës. Ndërkohë mësohet se brenda Qendrës Toptani ka qindra klientë brenda.
Ora 19:00. Kreu i PD-së, Sali Berisha ka denoncuar atë që e konsideron si “akt kriminal” ndaj një studenti në protestën e sotme. Sipas Berishës studenti është qëlluar me plumb në sy nga efektivët e policisë. Përmes një postimi publik, Berisha ka publikuar pamjet e të riut të plagosur, duke e cilësuar ngjarjen si “një krim të rëndë shtetëror” dhe duke ngritur akuza të forta ndaj autoriteteve.
Ora 18:30. Pamje të rënda janë bërë publike në rrjete sociale, ku një protestues ka marrë një fishek gome në sy. Nga syri ai ka gjakderdhje, ndërkohë që bërtet me të madhe nga dhimbja e shkaktuar. Nga ana tjetër, protestuesit janë ndarë në disa grupe në zona të ndryshme të Tiranës. Ata kanë djegur disa kosha mbeturinash dhe më pas i kanë spostuar në mes të rrugës. Ndërkohë, efektivët e Policisë kanë përdorur gaz lotsjellës gjatë përpjekjeve për të menaxhuar situatën.
Ora 17:40. Policia e Shtetit ka nisur kontrollet ndaj taksive që kalojnë në Bulevardin në Tiranë, ndërsa vijon protesta studentore me trazira të forta. Forcat e policisë po monitorojnë lëvizjen e automjeteve në zonë, në kushtet e pranisë së protestuesve.
Ora 17:35. Bulevardi ”Dëshmorët e Kombit” është kthyer në ‘fushëbetejë’ midis protestuesve dhe policisë. Protestuesit e maskuar po gjuajnë vazhdimisht me gurë, molotovë e fishekzjarrë. Lëndët piroteknike kanë shkaktuar disa zjarre të vogla nëpër shesh. Nga ana tjetër efektivët e policisë janë shpërndarë në disa pika të sheshit dhe ka edhe një numër të konsiderueshëm pranë Partisë Socialiste. Tymit të molotovëve e fishekzjarrëve u është shtuar edhe gazi lotsjellës.
Ora 17:24. Protestuesit kanë hedhur molotovë në drejtim të efektivëve të Policisë në afërsi të selisë së PS-së, gjatë protestës në Tiranë. Si pasojë, një efektiv ka marrë flakë, teksa policia ka rendur ta ndihmojë për të shuar zjarrin. Po ashtu gjatë hedhjes së molotovëve një të riu i është djegur xhaketa, por edhe ai ka arritur t’i shuajë flakët vetë.
Ora 17:20. Disa protestues të maskuar i janë drejtuar Bankës së Shqipërisë ku duke përdorur kangjella metalike, po thyejnë xhamat e kabinës së rojes. Më pas, lëvizin drejt kamerave të sigurisë, të cilat i thyejnë me disa shufra.
Ora 16:40. Protesta në Tiranë vijon mes tensioneve, ndërsa grupi më i madh i protestuesve qëndron i përqendruar në lulishten e sheshit “Skënderbej”. Situata në zonën e sheshit vijon të karakterizohet nga tensione, ndërsa protestuesit mbeten të grumbulluar në këtë hapësirë të kryeqytetit.
Ora 16:30. Protesta studentore në Kryeqytet vijon me tensione dhe incidente, ndërsa situata është përshkallëzuar edhe pranë institucioneve publike. Godina e Ministrisë së Mjedisit është përfshirë në incidente. Protestuesit kanë hedhur gurë në drejtim të godinës, duke thyer xhamat dhe dëmtuar derën e institucionit që u përfshi nga flakët. Protesta vjen në një klimë të tensionuar, me studentë dhe qytetarë që janë mobilizuar për të shprehur pakënaqësitë e tyre. Prania e forcave të policisë në zonat ku janë përqendruar protestuesit synon të menaxhojë situatën dhe të parandalojë përshkallëzimin e mëtejshëm të incidenteve.
Ora 16:22. Protesta në Tiranë vijon mes tensioneve, ndërsa grupi më i madh i protestuesve qëndron i përqendruar në lulishten e sheshit “Skënderbej”. Situata në zonën e sheshit vijon të karakterizohet nga tensione, ndërsa protestuesit mbeten të grumbulluar në këtë hapësirë të kryeqytetit.
Ora 16:16. Protestuesit kanë marshuar edhe në zonën e Bllokut, ku dogjën kazanët e mbetjeve, por Policia e Shtetit po i ndjek nga pas, ndërsa në dispozicion është vendosur edhe një autobot uji për ndonjë incident të mundshëm. Situata vjen në vijim të protestës që po zhvillohet në disa zona të Kryeqytetit, ku protestuesit janë grumbulluar gjithashtu në lulishten e sheshit ”Skënderbej”, pranë Drejtorisë së Përgjithshme të Policisë dhe në afërsi të Bashkisë së Tiranës.
Ora 15:50. Protestuesit janë zhvendosur drejt rrugës “Myslym Shyri” në Tiranë, ku kanë vendosur kazanë mbeturinash në mes të rrugës dhe u kanë vënë flakën, duke krijuar një barrikadë përballë forcave të Policisë. Protestuesit janë zhvendosur drejt rrugës “Myslym Shyri” në Tiranë, ku kanë vendosur kazanë mbeturinash në mes të rrugës dhe u kanë vënë flakën, duke krijuar një barrikadë përballë forcave të Policisë.
Për më tepër ndiqni linqet e mëposhtme.
“Qendra tregtare ”Toptani” do djegur”, Taulant Balla nxjerr sms mes protestuesve
Flakë në një tjetër kioskë, protestuesit djegin edhe kosha mbeturinash
”Plumb në sy studentit”, Berisha ndan pamjet: Krim shtetëror i rëndë
Protestuesit ndahen në disa grupe në Tiranë, u vënë flakën koshave në rrugë
E rëndë/ I riu qëllohet me fishek gome në sy, shihet i gjakosur
Nuk ndalet përplasja frontale në bulevard, “lumë” fishekzjarrësh e molotov drejt policisë
Spraj djegës gjatë protestës, deputeti i PD-së dërgohet me urgjencë në spital
Vajza që u përball e vetme me disa efektivë, Berisha ndan pamjet: Trime
Lëndohet një tjetër protestues gjatë tensioneve, dyshohet me plumb gome
VIDEO/ Molotovë, fishekzjarre dhe plumba gome, tensione të forta pranë selisë së PS-së
”Breshëri” fishekzjarrësh dhe bomba molotov në drejtim të efektivëve
Tirana në kaos, turistët e huaj ndjekin protestën duke ngrënë akullore
Bulevardi kthehet në arenë ”lufte”, protestuesit nuk tërhiqen
Hidhet moltov te selia e PS, polici përfshihet nga flakët (VIDEO)
Çfarë ndodh te selia e PD-së? Taulant Balla publikon pamjet dhe hedh akuza të rënda
Vajza shtrihet në mes të rrugës dhe ka plagë në kokë, mbytet nga gazi lotsjellës
8 të lënduar marrin trajtim në spital, mes tyre një deputet dhe një gazetarë
Trazira te Banka e Shqipërisë, protestuesit thyejnë kamerat e sigurisë
Hidhet moltov te selia e PS, polici përfshihet nga flakët (VIDEO)
Protestuesit bllokojnë “Myslym Shyrin”, u vënë flakën kazanëve të mbeturinave
https://kohajone.com/lajme/foto-trazira-dhe-flake-ne-zonen-e-bllokut-policia-si-ushtri-perndjek-protestuesit/
Qendra e Tiranës mbulohet nga gazi lotsjellës, deputeti i PD-së shfaq probleme me sytë
Kënga “Sali Berisha” në protestën e PD-së, Balla publikon videon e të moshuarit duke kërcyer
Agravon protesta edhe te Kryeministria, hidhet gaz lotsjellës
Arlind Qori: Për të panumërtën herë Edi Rama më është drejtuar pa ma përmendur emrin…
Këngëtarja Irini Qirjako mbështet studentët në shesh, shfaqet e përlotur: Më dhimbsen
Protestuesit e PD-së u vënë flakën stolave të dialogut të Ramës
Policia e Shtetit paralajmëron protestuesit: Do të identifikoheni edhe nëse jeni të maskuar
Protesta e PD para kryeministrisë e qetë dhe me pak pjesëmarrës. Berisha nuk merr pjesë
Ministri Demo: Teknologjia po identifikon protestuesit e dhunshëm, Policia ka video
Kryeministri: Pas studentëve janë futur duart e krimit dhe ANTIFA
Rama: Protestuesit kanë frikë të ulen në dialog se i quajnë tradhtarë