21 Janari, Dyrnjaja: Deputeti i PS-së Agron Malaj element kyç për dosjen. Duhet pyetur

Dosja e 21 Janarit është rikthyer me thirrjen e SPAK-ut që Sali Berisha të paraqitet. Gazetari Denis Dyrnjaja thotë se dëshmia e një personi në mënyrë të veçantë mund të jetë kyçe. Në emisionin “Të Paekspozuarit”, Dyrnjaja tha se dëshmia e ish-deputetit të PS, Agron Malaj, do të hidhte dritë mbi ngjarjen.

”Mendoj se element kyç është Agron Malaj. Ish-deputet i PS, sot kryetar i Bashkisë së Matit. Personi që di kush dha urdhër, pse dhe në çfarë kohe është ai.

Një njeri që duhet të merret dhe të zbërthehet. Të dhënat na çojnë që ky njeri është pikë kyçe për të kuptuar si ka vepruar grupi i zjarrit.

Si kaloi ky njeri nga krahu në frontin e njeriut që mban përgjegjësi për grupin e komanduar që do të hapte zjarr. Një njeri që ka kapërcyer ylberin. E them këtë politikisht. Ka pasur indikacione që protesta do të ishte e dhunshme”.