Berisha: “Do mbajmë përgjegjësi” – PD ndan funksionet, zbulohen deputetët që u bënë drejtorë në PS

Pas analizës do ndahen funksionet në Partinë Demokratike dhe do mbahet përgjegjësi pasi të votojë edhe Kongresi Zgjedhor, por gjithçka do bëhet me debat brenda partisë dhe jo jashtë saj, duke u mbështetur vetëm në votë.

Kështu u shpreh sot kryetari i Partisë Demokratike, Sali Berisha, duke iu përgjigjur pyetjeve të gazetarëve në lidhje me zhvillimet më të fundit në opozitë dhe nismës së Ervin Salianjit dhe Ilir Alimehmetit.

Berisha pohoi se mbase duhet të kishin marrë në konsideratë disa denoncime gjatë fushatës se njerëz të PD po punonin për socialistët, por për shkak të intensitetit politik nuk u bë. Por ai premtoi analizë të thellë.

 

 

 

 

 

 

 

 

 

 

“Ka pasur edhe denoncime se persona të caktuar të PD po punonin për PS-në. Por ishte fushatë dhe fushata është fushatë. Mbase duhet edhe të merreshin masa, por nuk duhet të punosh kundër në betejë dhe të shmangesh”, tha Berisha.

Më tej kreu i selisë blu theksoi se ai nuk mund t’i jepte material Ramës që ta përdorte më pas për të zbutur raportin e OSBE-ODIHR dhe për të thënë se zgjedhjet ishin të lira, duke i qëndruar denoncimit të farsës elektorale, që sipas tij u faktua.

Berisha këmbënguli se analiza bëhet vetëm brenda partisë dhe jo jashtë saj, duke iu përgjigjur pyetjeve të përsëritura të gazetarëve për çështjet Salianji-Alimehmeti. Ai pranoi se do ndaheshin edhe funksionet dhe do pranohej ky mendim i sugjeruar, por kjo do ndodhte vetëm pas analizës dhe Kongresit Zgjedhor të PD.