E rëndë në Itali/ 23-vjeçari shqiptar vritet me thikë në parkingun e universitetit

Një ngjarje e rëndë është regjistruar në Itali, një një i ri shqiptar është vrarë me thikë në një nga parkingjet e Universitetit të Peruxhias. Ngjarja ka ndodhur në orët e para të mëngjesit të kësaj të shtune, teksa viktima është shtetasi Hekuran Cumani, 23-vjeç.

Mediat italiane raportojnë se prokuroria po e heton çështjen si vrasje, ndërsa krimi dyshohet se ndodhi pas një konlikti të çastit. Viktima u qëllua me thikë në gjoks, duke i shkaktuar vdekjen e menjëhershme. Kur personeli mjekësor mbërriti në vendngjarje, i riu kishte ndërruar jetë.

Pas hetimeve fillestare dhe dëshmisë së disa dëshmitarëve, doli në pah se “një individ ende i panjohur” e goditi 23-vjeçarin pas një sherri të ndodhur gjatë orëve të para të së shtunës në një klub pranë universitetit.

Kryetari i bashkisë, këshilli bashkiak dhe Këshilli Bashkiak i Peruxhias shprehin hidhërimin e tyre më të thellë për vdekjen e të riut.

“Lajmi na ka tronditur të gjithëve, si individë dhe si institucione”, shkruan ata në një deklaratë të përbashkët. “Ne qëndrojmë me familjen dhe miqtë e tij, të cilët po përjetojnë pikëllim të padurueshëm sot, me dashuri dhe respekt. Është e vështirë të pranohet që një jetë kaq e re të ndërpritet në një mënyrë kaq tragjike. Dhimbja e këtyre orëve shtrihet në të gjithë qytetin. Peruxhia qëndron me ata që po vuajnë sot dhe reflekton, me hidhërim, për një tragjedi që prek thellësisht komunitetin tonë”, thanë ata.