Shirat e dendur, niveli i Vjosës në pikën kritike. Lumi del nga shtrati pranë Urës së Mifolit

Moti i keq i cili ka përfshirë vendin tonë ditët e fundit ka bërë që niveli i lumit Vjosa përgjatë Tepelenës është më pak se 1 metër nga pika kritike e tij.

Si pasojë e rënieve së inerteve segmenti rrugor Salari-Nivicë, Dukaj-Kordhaj është bllokuar.

Edhe aksi Suhë-Poliçan, bashkia Libohovë janë të paqarkullueshme si pasojë e dëmtimit të urës në fshatin Suhë.

Ndërkohë në fshatrat e Dropullit problematikë mbetet furnizimi me energji elektrike.

Situata vijon të jetë problematike edhe në Vlorë. Lumi Vjosa ka arritur në kuotën maksimale dhe ka dalë nga shtrati në pjesën e tregut pranë Urës së Mifolit. Rrezikohen që të përmbyten tokat bujqësore.

Ndërkohë, situata në qarkun e Fierit paraqitet jo problematike sa i përket reshjeve të rëna gjatë gjatës, të cilat kanë qenë intensive. Sipas informacioneve nga Prefektura e Fierit, ka një shtim të prurjeve në Përmet e Memaliaj , që mund të reflektohen gjatë mesditës në zonën e Fierit.

Vjosa rrezikon që të dalë nga shtrati drejt tokave bujqësore, ndërkohë sa i përket akseve rrugore, janë të pakalueshme dhe pa problematika.