Të shtëna me armë dhe të plagosur? Policia: Alarm fals

Mësohet se një telefonate anonime që fliste për të shtëna me armë zjarri dhe të plagosur ka alarmuar policinë e Vlorës.

Ngjarja u raportua për në vendin e quajtur Bishti i Kalldrëmit, por me të mbërritur në vendngjarje policia ka konstatuar se nuk kishte as të shtëna me armë as të plagosur.

Policia sqaron se pas verifikimeve ngjarja rezultoi e pavërtetë dhe asnjë person i dyshuar për i plagosur nuk është paraqitur në spital.