Ambasadorja e SHBA takon Metën, Ramën dhe Bashën. Ja për çfarë kanë diskutuar
Ambasadorja e SHBA, Yuri Kim ka zhvilluar sot takime me Presidentin Ilir Meta, kreun e qeverisë Edi Rama dhe kreun e PD-së, Lulzim Basha.
Pas takimeve, Ambasadorja e SHBA ka dalë me një deklaratë ku vë theksin te ndihma ndërkombëtare për tërmetin, menaxhimin e fondeve dhe respektimin e institucioneve dhe proceseve demokratike.
Mesazhi i plotë i Ambasadores së SHBA, publikuar në faqen zyrtare të Ambasadës Amerikane:
“Sot u takova me Kryeministrin Edi Rama, Presidentin Ilir Meta dhe Kryetarin e Partisë Demokratike Lulzim Basha për të diskutuar mbi zhvillimet e fundit dhe pritshmëritë e Shteteve të Bashkuara. Për sa i përket specifikisht, konferencës së donatorëve në Bruksel, ne besojmë se ajo pasqyron solidaritetin, mbështetjen dhe dëshirën e komunitetit ndërkombëtar për ta ndihmuar popullin shqiptar në përpjekjet e rindërtimit pas tërmetit. Diskutuam gjithashtu edhe për pritshmëritë për transparencë dhe llogaridhënie përgjatë gjithë këtij procesi. Përveç konferencës së donatorëve, diskutova edhe për hapat e rëndësishëm që Shqipëria duhet të ndërmarrë në javët e muajt e ardhshëm, duke treguar pjekuri, respekt për institucionet dhe besim në proceset demokratike. Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar. Ne e sigurojmë popullin shqiptar se ne do të jemi aty për të vëzhguar dhe kontribuar”.
“Sot u takova me Kryeministrin Edi Rama, Presidentin Ilir Meta dhe Kryetarin e Partisë Demokratike Lulzim Basha për të diskutuar mbi zhvillimet e fundit dhe pritshmëritë e SHBA”. Deklarata e plotë e Ambasadores Yuri Kim: https://t.co/LsrpbI6AQo | https://t.co/urzfGS7Ku0 https://t.co/kGwVHGYT7k
— USEmbassyTirana (@USEmbassyTirana) February 19, 2020
Lexoni edhe…
Spiropali reagon në emër të Ramës për Presidentin e Republikës
Publikohet dokumenti i Helsinkit. Vasili: Qëndrim dinjitoz në mbrojtje të Kushtetutës
