Edi Rama në Verona të Italisë me Presidentin Vuçiç

“Verona, Open Balkan Wine Vision – VinItaly është panairi më i madh i verës në Europë, ku prodhuesit shqiptarë të verës prezantohen për herë të parë, në stendën e Open Balkan dhe të treja vendet janë të ftuara të nderit në ditën e çeljes së dyerve”- shkruan kryeministri Rama, ndërsa ndodhet në krah të Presidentit serb, Vuçiç.

Kryeministri Edi Rama tha në Verona të Italisë, në panairin më të madh të verës në Europë, VinItaly, ku prodhuesit shqiptarë të verës prezantohen për herë të parë në stendën e “Open Balkan”.

Në fjalën e mbajtur bashkë me Presidentin e Serbisë, Alexander Vucic dhe me kryeministrin e Maqedonisë së Veriut, Dimitar Kovaçevski, Rama theksoi se kur vjen fjala për procesin e integrimit në BE, “ne jemi shumë të prirur të përmbushim detyrat dhe nuk do të kërkojmë përshpejtime artificiale”, por nuk la pa përmendur edhe një “shqetësim” të madh.

“Duhet të jemi shumë të mirë në detyrat tona të shtëpisë, por ka disa gjëra që duhet të ndryshojnë. Jemi të shqetësuar për vrullin që kanë vende si Gjermania në kërkim të krahut të punës. Është legjitime që ta bëjnë këtë, por edhe ne jemi në qendër të Evropës dhe do të diskutojmë edhe për këtë në takimin e majit”, deklaroi Rama.

Fillimi i një pune në Gjermani do të bëhet më i lehtë për shtetasit e Ballkanit Perëndimor. Një projektligj i ri që synon t’i japë fund mungesës së fuqisë punëtore në ekonominë më të madhe të Europës, parashikon ndër të tjera dyfishimin e kontigjentit nga Ballkanin Perëndimor, nga 25 mijë dhe 50 mijë punëtorë që do të lejohen të vijnë çdo vit. Reforma lehtëson pengesat kryesore për emigrantët nga jashtë vendeve të BE-së.