Gropa që i bëri vetes PD-ja me rinumërimin e votave

PD po vazhdon zhurmën se votat janë manipuluar dhe vjedhur nga PS. Ndërkohë selia blu me anë të dy anëtarëve të opozitës në KAS kërkoi rinumërimin e votova krejtësisht në qarkun e Tiranës dhe atë Fierit, sikurse dhe pjesërisht në qarkun e Elbasanit për disa probleme, që PD-ja mendonte se do të kapnin ndonjë “peshk”.

Në Elbasan asgjë nuk doli. Në Tiranë po vazhdon rinumërimi. Sipas informacionit zyrtar të KQZ, deri më tani janë rinumëruar rreth 30% e kutive të votimit për qarkun e Tiranës.

Me 355 kutitë e hapura deri më tani, PD kryeson me votat që nuk i takonin. PD rezulton se ka 177 vota të pamerituara, ndërsa PS 170, të cilat iu zbriten nga rezultati i numërimit të parë.

Edhe “Nisma Shqipëria Bëhet” rezulton se deri më tani ka 20 vota të pamerituara, Lëvizja Bashkë 15.

Partia Social Demokrate e Tom Doshit humbet 22 vota që i ishin shtuar më 11 maj.

Pra me këtë trend rinumërimi del se PD-ja ka marrë vota të pamerituara me shumë se sa PS! Ndërkohë deri më tani, shikohet se PD-ja ka përlarë votat e partive të vogla të djathta.

Ndonëse me këtë ritëm nuk besohet se mund të ndryshohen mandatet e deputetit për PD e PS, ndaj aqsa del deri me tani me 30 % të kutive duket hapur se PD i bëri “gropën” vetvetes, sepse ajo del partia e parë që ka manipuluar në komisionet e numërimit.