Investuesi miliarder Mohamed Alabbar: “Askush s’ka bërë më shumë kontroll sigurie mbi mua se sa Qeveria e Shqipërisë”
Kryesore E Hënë, 30 Janar 2023 22:40
Investuesi miliarder Mohamed Alabbar ka folur sot në lidhje me projektin e madh të portit të Durrësit.
Ja se çfarë ai thotë (është i titruar përkthimi në shqip):
Por dy gjera ai thotë. E para se “Ju premtoj që disa nga gjërat që ne po bëjmë aty nuk janë bërë kurrkund në botë. Për projektimin, masterplanin, efikasitetin e ndërtimit, kemi një ekip të plotë shqiptar dhe ky ekip po shtohet”.
Ndërsa më tej ai shton: “Askush s’ka bërë më shumë kontroll sigurie mbi mua se sa Qeveria e Shqipërisë. Respekt për pasionin tuaj për punën që bëni për vendin tuaj. Jam i lumtur që jam pjesë e këtij vendi”– thotë Mohamed Alabbar.
Kurse kryeministri Rama sot sqaroi me pak fjalë: “Gati me të gjitha tanimë për projektin më të rëndësishëm turistik, investimi më i madh i huaj në historinë tonë dhe ndoshta të rajonit, i cili do të transformojë rrënjësisht Durrësin, duke e vendosur në radhën kryesore të destinacioneve turistike në Mesdhe, me një impakt të thellë ekonomik jo vetëm për qytetin bregdetar po për të gjithë vendin
Nënshkrimi i marrëveshjes për zhvillimin e projektit “Durrës Yacht & Marina” është finalizimi i një rruge të gjatë pune voluminoze, në aspektin tekniko-ligjor, me një investitor të madh strategjik, prestigji i të cilit është botërisht i njohur”- përfundon Rama.
