Kritikat e forta të OSBE: Vendimet e KQZ të orientuara politikisht dhe jo transparente
Misioni i vëzhguesve të OSBE/ODIHR që monitoroi votimin e 30 qershorit, në raportin e publikuar sot ka renditur një sërë shkeljesh flagrante nga ana e institucioneve dhe qeverisë. Kritikat kryesore lidheshin me faktin se vendosmëria e PS për të hyrë në zgjedhje vetëm u hoqi të drejtën qye tetarëve që të merrnin pjesë në një proces me standarde.
Por si asnjëherë më parë, OSBE/ODIHR kritikoi ashpër rolin e Komisionit Qendror të Zgjedhjeve (KQZ) i cili ka përgjegjësi ligjore për administrimin e procesit. Shefja e misionit të vëzhguesve të OSBE/ODIHR, Audrey Glover deklaroi hapur se KQZ ka marrë vendime politike dhe jo transparente. Në të gjitha raportet e mëparshme nuk ka pasur kritika të tilla kaq të ashpra për punën e KQZ-së.
Duke përshkruar punë e KQZ, Glover u drejtoi anëtarëve pyetjen: Për kë bëhen zgjedhjet, për politikanët apo për votuesit?
Por referimi ndaj KQZ-së si institucion i pavarur në këtë rast ka nevojë për një sqarim të detajuar. Vendimet e KQZ në këto votime janë marrë nga katër anëtarë e PS në këtë institucion, Denar Biba, Bledar Skënderi, Edlira Jorgaqi dhe Rezarta Bitri. Anëtarët e opozitës nuk kanë qenë në asnjë nga mbledhjet ku janë marrë një pjesë e vendimeve skandaloze, si ai shqyrtimit të dekretit të Presidentit. Ndaj, kritikat e OSBE janë ndaj tyre personalisht, si jurist që duhet të tregonin integritet profesional në këtë proces, por edhe si zyrtarë shtetërorë që kanë përgjegjësi për zbatimin e ligjit. Në fakt, nga ajo që thotë OSBE/ODIHR ata u sollën si përfaqësues politikë të PS dhe degraduan procesin.
Kritikat e sotme ndaj KQZ janë goditja më e ashpër që ka marrë ky institucion nga ndërkombëtarët. Këto kritika përfshijnë vetëm pjesën e vendimeve para datës 30, pa llogaritur se sot këta anëtarë të PS në KQZ po akuzohen nga opozita edhe për manipulim të pjesëmarrjes në votime. Një akt që mësa duket i vë vulën KQZ, si zyrë elektorale e PS dhe jo si institucion që u garanton shqiptarëve të drejtën për të votuar, pavarësisht bindjeve që kanë.
Lexoni edhe…
- Skandaloze/ U dalin votues me shumë se sa janë zgjedhës nga KQZ!
- Fillon paniku për manipulimin e shifrave. Justifikimet e para
- Bashkitë që mbulon zv/kryeministri dalin më shumë vota se votues
- Kryemadhi: Shqiptarët refuzuan shtetin monist të Ramës
- Çudia me Librazhdin, shtohen votuesit por votat mungojnë
- Mbi 2 mijë fletë votimi më shumë se votues në Berat
- Shoqata e Bashkive të Shqipërisë: Sistemi njëpartiak sjell rrisqe të mëdha
- 2 mijë vota të pavlefshme veç në 1 KZAZ në Tiranë
- OSBE/ODIHR: Në 30 qershor zgjedhësit nuk patën mundësi zgjedhjeje
