Ashtu siç shpresonin shumë besimtarë Papa Françesku e dha vetë bekimin tradicional “Urbi et Orbi” në sheshin e Shën Pjetrit të dielën e Pashkëve. Në mesazhin e Pashkëve Papa u referohet luftërave dhe antisemitizmit
Kreu i Kishës Katolike në fakt duhet të vazhdodojë të ruhet pas sëmundjes së rëndë, por ai doli sot për të përshëndetur besimtarët për festën e Pashkëve. “Të dashur vëllezër dhe motra, Pashkë të lumtura dhe të bekuara”, u uroi Papa Françesku me zë të dobët besimtarëve të mbledhur në sheshin e Shën Pjetrit në Romë. Françesku doli para besimtarëve në një karrige me rrota dhe dukej i drobitur nga sëmundja, dhe i mbate shpesh sytë mbyllur. Papa nuk e lexoi vetë mesazhin e Pashkëve. Atë e lexoi arkipeshvi Diego Ravelli.
Mesazhi i Pashkëve u referohet luftërave dhe antisemitizmit
Nuk mund të ketë paqe pa çarmatim të vërtetë! E drejta e çdo populli për të siguruar mbrojtjen e tij nuk duhet të çojë në një garë të përgjithshme armatimi,” thuhet në mesazhin e Pashkëve. Papa foli për viktimat e disa konflikteve të armatosura në mbarë botën, dhe në veçanti për ato të luftës midis Izraelit dhe Hamasit: “Unë shpreh ndenjat e mia për të krishterët e vuajtur në Palestinë dhe Izrael, si dhe për të gjithë popullin izraelit dhe palestinez”.
Papa Françesku denoncoi gjithashtu dhe “klimën në rritje tëantisemitizmit” që po përhapet “në të gjithë botën” gj që sipas tij është shqetësuese. Pas mesazhit të Pashkëve që lexoi arkipeshvi Diego Ravelli, Papa dha bekimin tradicional “Urbi et Orbi”.