Po vjen fundmuaji e njerëzit duan paratë e premtuara zoti Kryeministër. Ku janë futur lekët zoti Ahmetaj?

Kryeministri para disa ditësh, nën presionin e biznesit shqiptar, nxori një plan ekonomik, sipas tij që do mbajë në këmbë krejt ekonominë shqiptare. U tha për 100 milionë euro vetëm për biznesin, u nxorën disa miliona euro të tjera, por përveç investimeve të ngushta e nën alarm për mjeksinë (natyrshëm), lekë të tjera nuk po shikojnë biznesi i madh e i mesëm, pensionistët dhe biznesi i vogël.

Një oligark tha për “KJ” se nëse Rama nuk mban fjalën atëhere do ti shkurtoj punëtorët dhe ti mbajë ai me asistencë sociale.

Fundmuaji vjen dhe njerëzit e mbyllur brenda, edhe dhunshëm, nuk dijnë kush do ti paguajë: qeveria apo pronarët e bllokuar? Në të gjitha vendet, shteti ka hapur thesin e buxhetit të tij e po shpërndan për çdo familje, pa harruar duke donatuar biznesin, sepse nëse falimentojnë kompanitë dhe firmat, atëhere shteti futet në koalps total.

Ndërkohë kryeministri mbrëmë nuk toleroi asnjë familje te pagesa e enërgjisë elektrike, por shumë pensionistë pyesin në rrjete sociale se si do ti paguajnë kur as lekë nuk kanë apo nuk i lejojnë të dalin jashtë, edhe kur iu ka mbetur ndonjë lekë sa për ilaçet dhe dritat.

Ministri Arben Ahmetaj është emëruar edhe për ndarjen e këtyre fondeve për koronavirusin, por siç duket nuk ka gjetur çelesat e kasafortës së eurove, ndonëse ka një nuhatje prej dreqi ndaj eurove.

Biznesi pret, të punësuarit presin për lekët, pasi jemi në gjendje të jashtëzakonshme e njerëzit përveç mbylljes brenda duan edhe të ushqehen.

Zoti Kryeministër! Nëse për izolimin e popullit po punon bukur (dhe duhesh lavdëruar, sepse e bën me pasion), ndërsa kur vjen puna te zgjidhja për lekët se njerëzia e bllokuar nuk ka më se të ushqehet Ju nxirrni e postoni citate e slogane sa nga profetët e Lindjes së Mesme e deri te ish-kryeministri Churchill.

Por njerëzit nuk hanë citate!

Alban Mati