Prapë Edi Rama tallet me ish-liderin e PS-së, Fatos Nano

Nga Daniel Muçaku dhe Lindita Kokoli-

Jo pak deputetë të PS-së dhe mijëra socialistë prisnin që kryeministri Rama dhe PS-ja të kandidonte për president Republike, Fatos Nanon.

Por tashmë u bë e qartë se jo!

Është një gjeneral major që pret të hyjë në zyrën e kreut të shtetit.

Edi Rama e ka përdorur përbukuri, sa herë ka dashur apo i ka hyrë në punë, Fatos Nanon. Duke ia ditur pikën e dobët familjare se e donin presidencën si stoli pensioni, kryeministri ia ka lenë një udhë dhishë hapur duke e lenë të presë me endërra ish-liderin e PS-së.

Edhe këtë herë ishte bërë gati ish-lideri socialist për tu zgjedhur në krye të shtetit shqiptar. Burime të afërta pranë ish-liderit majtist tregojnë se ai kishte afro katër muaj që bënte stërvitje për tu dobësuar nga pesha e rëndë fizike në mënyrë që të ishte dinjitoz, edhe në peshë, kur të shkonte te zyra e Ilir Metës për të marrë çelesat e numrit një të shtetit.

Po kështu të njëjtat burime thonë se ishte porositur garderoba presidenciale dhe se nga kryeministria negociatori kishte premtuar ish-kreut të PS-së se tashmë është e garantuar, pasi 71 vota janë gati.

Për dreq e për fatin e tij të keq, të Nanos, ishte kryeministri Rama që manovroi në minutën e fundit dhe nxori gjeneral majorin Begaj.

Shumë pikëpyetje po ziejnë në katunin e Surrelit se pse nuk vuri as femër, siç kishte premtuar, por as Fatos Nanon që ia mikloi endërren e tij shumëvjeçare për tu bërë president. Por një burim konfidencial kryeministror tha nën zë se Rama kishte frikë nga ndonjë aleancë Nano-Berisha (si në foto).

Në të vertetë Fatos Nano mbetet lider majtist modern dhe e meritonte. Mundet në vitin 2027 të jetë në lojë Nano për tu bërë President.

Edi Rama herën tjetër do ta mbajë fjalën!