Presidenti Meta poston video me Enverin, Spiro Kolekën dhe Kim Jong-un: Nga fitorja në fitore

Mëngjesin e kësaj të marte, Presidenti i Shqipërisë, Ilir Meta, ka postuar një video ku shfaqet diktatori komunist Enver Hoxha, Spiro Koleka dhe diktatori korean Kim Jong Un.

Kreu i Shtetit i lidh këto tre diktatorë me situatën e rëndë në vend, ku pas votimeve një partiake për PS, po dalim më shumë vota sesa votues, siç ndodhte me votimet në kohën e diktaturës. Me ironi, Meta shkruan se: ”Forca numëruesve, si një trup i bashkuar drejt tejkalimeve të reja! Nga fitorja në fitorje! Destinacioni dihet”.

Një ditë më parë, Presidenti Meta bëri një postim në facebbok, duke thënë se tani i duhet që të shpikë një dekoratë të re, atë të ”Heroit të votave socialiste”. Votimet moniste të 30 qershorit, treguan sipas opozitës se 85% e shqiptarëve i thanë jo farsës së votimeve lokale. Nga ana tjetër, Kreu i Shtetit ka dekretuar datën 13 tetor, si datë për zgjedhjet lokale, pasi anuloi 30 qershorin.

Postimi i plotë i Kreut të Shtetit

Mirëmëngjes të dashur miq! Forca numëruesve, si një trup i bashkuar drejt tejkalimeve të reja! Nga fitorja në fitorje! Destinacioni dihet. Kalofshi të gjithë një ditë të bukur sot!