Prishtinë, kjo është protestë e jo si në Tiranë!

Kryesore E Enjte, 16 Qershor 2022 14:06

Qindra pjesëtarë të Organizatës së Veteranëve të Luftës së ish-Ushtrisë Çlirimtare të Kosovës u hodhën në protestë ditën e sotme për të kundërshtuar projektligjin për pagën minimale, i cili u miratua në parim dy ditë më parë në parlamentin e Kosovës. Forca të shtuara të policisë rrethuan ndërtesën e parlamentit, ndërsa protestuesit kaluan gardhin e oborrit duke brohoritur kundër projektligjit që nuk përfshinë pensionet e tyre.

Ndërkohë dje në Tiranë u organizua protesta e radhës para godinës së Kryeministrisë, kundër rritjes së çmimeve të ushqimeve të shportës dhe karburanteve e ku pjesëmarrja ishte jashtëzakonisht e ulët.

Në dallim nga protestat e kaluara që janë organizuar në kryeqytet, dje nuk u mbajtën fjalime, por vetëm thirrjet e zakonshme për ulje çmimesh. Në fakt ajo e djeshmja vetëm protestë nuk mund të quhet, aq më tepër për kauzën e madhe, siç është rritja e çmimeve që rëndon në xhepin e gjithë shqiptarëve.