Protesta kombëtare e opozitës, mijëra qytetarë drejt Kryeministrisë

Me mijëra protestues po i drejtohen në këto momente Tiranës, ku di to bashkohen protestës së madhe të opozitës që do të mbahet në orën 20.00 në Bulevardin ‘Dëshmorët e Kombit’.

Protesta zhvillohet në një klimë të acaruar politike. Partia Socialiste e drejtuar nga kryeministri Edi Rama, përveç se është e akuzuar për korrupsion, zhvilloi dhe votimet e 30 qershorit pa opozitën. Një vendim i tillë cilësohet si goditje përfundimtare e demokracisë dhe zyrtarizon kthimin e Shqipërisë në një shtet ku një parti kontrollon çdo gjë.

PD llogarit se vetëm nga rrethet janë më shumë se 70 mijë qytetarë që do të vijnë në Tiranë. Ndërkohë që pjesëmarrje masive do të ketë dhe nga kryeqyteti. Strukturat e partive të opozitës janë përgatitur që ky tubim të jetë më masivi.

Sipas të dhënave që vijnë nga Partia Demokratike, deri më tani rreth 70 mijë qytetarë që po vijnë nga rrethet.