Qeveri, thirri mendjes!

Një protestë në dukje e thjeshtë vetëm për një tarifë rruge në Rrugën e Kombit, ka sjellë shpërthimin e zemërimit popullor, mbushur në vlim prej varfërisë disavjeçare dhe mungesës së mirëqënies. Një zjarr në Udhën e Kombit mund të sjellë zjarrnajë në krejt vendin, sepse “benzina” e varfërisë është kudo, mjafton një shkrepse!

Ndaj qeveria ka nevojë të lerë mënjanë arrogancën dhe mungesën e dialogut, edhe për Rrugën e Kombit, e të ulet kokëulur para njerëzve dhe përfaqësuesve të opozitës. Kjo nuk tregon frikë, nëse ndodh nga kryeministri. Përkundrazi kur është e sinqertë si përulje e dialog, fiton me shumë pikë dhe ruan stabilitetin e vendit.

Në të kundërt skenarët duken rrezikshëm në destabilitet. Ndaj pa filluar bllokimi i rrugëve, parlamentit, përplasja popull opozitar me policinë, kryeministri duhet urgjent të organizojë takim me PD-LSI për gjetjen e zgjidhjeve, e jo vetëm zgjidhjes së një tarife. Nëse e duan vendin, duhet!

Ndryshe… do jetë vonë, për të gjithë. Kryeministri vetëm sa shton benzinën udhëve, ndërsa opozita me shkrepse në dorë.