Në botën e artit të fëmijëve të ushtarakëve

Ministria e Mbrojtjes është angazhuar për tu krijuar kushte sa më të mira jetese familjeve të trupave të Forcave të Armatosura. Fëmijët e efektivëve të FA po aktivizohen në kurse dhe aktivitete të ndryshme kulturore dhe sportive që organizohen nga Qendra Kombëtare e Kulturës.

Dhjetëra fëmijë ushtarakësh e punonjësish civilë të Ministrisë së Mbrojtjes ndjekin kurset artistike pranë Qendrës të Kulturës, ku marrin mësime nga profesorë dhe artistë të njohur të skenë sonë.

“Forca e Armatosur, një familje e madhe nuk është thjesht klishe. Çdo javë, dhjetëra fëmijë ushtarakësh e punonjësish civilë të Ministrisë së Mbrojtjes ndjekin kurset artistike pranë Qendrës sonë të Kulturës, ku marrin mësime nga profesorë dhe artistë të njohur të skenës”, shprehet ministrja e Mbrojtjes Olta Xhaçka.

Profesor Zhani Tase i cili zhvillon kursin e pikturës për këto fëmijë shprehet se, “çdo fëmijë është artist dhe ka botën e vet. Ne përpiqemi që ti japim mundësi që ata këtë botë ta çlirojnë në mënyra të ndryshme”.