Vajzat ruse në Tiranë për të mësuar shqip

Kurioziteti për gjuhën shqipe kanë sjellë nga Rusia në Tiranë një grup prej gjashtë vajzash.

Ana dhe Zhenia janë dy prej tyre. Prej një muaj ato kanë ndjekur një kurs veror në Universitetin e Tiranës.

Pavarsisht vështirësisë së gjuhës, ato ia kanë dalë ta përvetësojnë dhe pas një muaji arrijnë të artikulohen shumë mirë shqip.

“Më pëlqen një shprehje ‘më lë pa frymë’, sepse është përshtypja ime nga Shqipëria. ‘Pa pritur, pa kujtuar’, sepse në rusisht kemi të njejtën”.

Shqipërinë nuk e gjetën siç e kishin menduar.

Mbreslënëse për to nuk ishte vetëm natyra, por edhe mikpritja e qytetarëve shqiptarë.

“Eksperienca këtu ishte shumë e bukur, shumë mbreslënëse.”

Gjatë qëndrimit janë hasur me dëshirën e të rinjve për t`u larguar jashtë vendit por sipas tyre Shqipëria ka potenciale të mëdha zhvillimi.

Studimet për gjuhën shqipe Ana dhe Zhenia do t`i vazhdojnë edhe në Rusi. Dega e gjuhës dhe letërisë shqipe në Universitetin e Shën Petersburgut u themelua në vitin 1957 prej këtij viti në këtë program janë dipmoluar me qindra studentë./oranews