Jezusi qe i martuar dhe kishte një djalë?!

Jezusi ka qenë i martuar madje ka patur edhe një djalë.

Kështu deklaron një gjeolog izraelit, teksa shton se ka prova të mjaftueshme për të mbështetur teoritë e tij.

Sipas gjeologut, Jezusi nuk ka fluturuar në qiell, por u varros në një varr familjar së bashku me Marinë dhe vëllezërit e tij.

Gjeologu izraelit, Arye Shimron, thotë se ka kryer më shumë se 150 testime në atë që ai e konsideron si varrezën familjare të Jezusit.

Ai ka gjetur në varrin e përbashkët eshtra të vëllezërve të Jezusit, vetë atij, si dhe një arkivol misterioz me mbishkrimin “Juda, djali i Jezusit”.

Zbulimet u bënë në varrezën Talpiot, e cila është zbuluar fillimisht në vitin 1980.

Autori i kërkimeve tha se është në dijeni që këto kërkime mund të përmbysin gjithë besimin që ekziston lidhur me largimin e Krishtit, por thotë se ato që ka gjetur, janë përtej asaj që ai besonte se do të gjente.