Si ID-të dixhitale ndihmojnë bankat të fitojnë miliona dollarë

Izolimi në shtëpi i miliarda personave, ka rikthyer vëmendjen e përdorimit të teknologjisë në veprimet bankare, sidomos ato të bëra në platforma online. Por kjo nuk vjen me pak probleme, sidomos sa I përket çështjeve të sigurisë dhe identifikimit të saktë të individit me llogarinë e tij përkatëse bankare.

Verifikimi i identitetit ka në themel shumë prej proceseve thelbësore të lidhura me shërbimet financiare, me bankat që kërkojnë t’i nënshtrohen klientëve të tyre në kontrolle të rrepta identiteti, si për të mbrojtur financat e atyre përdoruesve, ashtu edhe për të përmbushur kërkesat rregullatore.

Ka pasur një bollëk të përpjekjeve që synojnë të thjeshtojnë verifikimin e identifikimit në internet, por këto përpjekje kryesisht nuk kanë arritur të adresojnë çështjen në tërësinë e saj. Për shembull, klientët shpesh kërkohet të krijojnë fjalëkalime të padobishme dhe detaje verifikimi që mund të jenë të vështira për tu mbajtur mend. Këto përpjekje jo vetëm që kanë krijuar ankesa për përdoruesit, por ato janë gjithashtu të shtrenjta për bankat, me secilën rivendosje të fjalëkalimit që kushton deri në 70 dollarë sipas vlerësimeve të Forrester Research.

Por këto çështje shkojnë më thellë se kostot e rivendosjes së fjalëkalimit. Një lehtësim në identifikimin e saktë online dhe sigurinë e çdo llogarie të përdoruesve do t’I sillte bankave të mëdha miliona dollar në fitim, për shkak të shkurtimeve të kostove për të siguruar fizikisht veprimet bankare. Kjo arsye vetëm është e mjaftueshme që bankat të marrin drejtimin në zhvillimin e skemave dixhitale të identitetit.

ID-të dixhitale, kur bëhen si duhet, mund t’i ndihmojnë bankat të lehtësojnë pikat e dhimbjes në verifikimin e identitetit për klientët e tyre, ndërsa gjithashtu ndihmojnë në zvogëlimin e kostove operacionale.

Burimi: Business Insider – SCAN