Ambasada Amerikane në Tiranë paralajmëron për rrezik: Shmangni demonstratat

Ambasada e Shteteve të Bashkuara të Amerikës në Tiranë ka dhënë një njoftim sigurie lidhur me protestën që po zhvillohet. Sipas paralajmërimit, protesta mund të shtrihet edhe në rrugët dhe blloqet përreth, si dhe pranë institucioneve qeveritare. Në këto zona pritet prani e shtuar e forcave të Policisë, bllokime rrugësh, devijime të trafikut dhe ndërprerje të qarkullimit. Ambasada bën të ditur se personeli i saj në Tiranë është këshilluar të shmangë demonstratat, ndërsa u kërkon qytetarëve amerikanë të tregojnë vigjilencë dhe të vendosin sigurinë personale në plan të parë.

Reagimi i plotë i ambasadës amerikane

Një protestë në Rrugën e Durrësit, pranë Sheshit Skënderbej, është aktualisht në zhvillim dhe është përshkallëzuar në dhunë për shkak të hedhjes së gurëve. Protesta mund të shtrihet edhe në rrugët dhe blloqet përreth, si dhe pranë godinave qeveritare, duke sjellë një prani të shtuar të forcave të Policisë, ndërprerje të qarkullimit, devijime të trafikut dhe bllokime të rrugëve.

Personeli i Ambasadës Amerikane në Tiranë është këshilluar të shmangë demonstratat. Ju lutemi, qëndroni vigjilentë dhe vendosni sigurinë tuaj personale në plan të parë. Ndiqni mediat lokale dhe zbatoni udhëzimet e autoriteteve vendore të rendit për t’u informuar mbi zhvillimet më të fundit.

Masat që duhet të merrni:

Forconi masat për sigurinë tuaj personale duke zbatuar këto këshilla:

– Shmangni demonstratat.

– Jini të vëmendshëm ndaj asaj që ndodh përreth jush. Kufizoni shpërqendrimet, si përdorimi i telefonave apo kufjeve, kur ndodheni në ambiente publike.

– Ndiqni mediat lokale për t’u informuar mbi zhvillimet.

– Mbani gjithmonë një plan emergjence ose një strategji për t’u larguar në rast rreziku.

– Shmangni tërheqjen e vëmendjes dhe përpiquni të qëndroni sa më pak të ekspozuar.