”ARRKO” ndalon në Kolonjë, Rama: Një hap për fuqizimin e fermerëve dhe rritjen e vlerës së produkteve shqiptare

Kryeministri Edi Rama ka ndarë një video të organizimit të fermerëve përmes Shoqërive të Bashkëpunimit Bujqësor, gjatë një ndalese në Kolonjë, ku u prezantua Shoqëria e Bashkëpunimit Bujqësor “ARRKO”. Sipas kreut të qeverisë, kjo nismë është pjesë e përpjekjes për të organizuar fermerët sipas produkteve prioritare në çdo bashki, duke krijuar modele të reja bashkëpunimi që i ndihmojnë ata të prodhojnë, përpunojnë dhe tregtojnë së bashku.

Postimi i plotë

Shoqëria e Bashkëpunimit Bujqësor “ARRKO”, e krijuar në kuadër të nismës për organizimin e fermerëve sipas produkteve prioritare në çdo bashki, një model që synon të bashkojë fermerët e Kolonjës për të prodhuar, përpunuar dhe tregtuar së bashku.

Përmes Shoqërive të Bashkëpunimit Bujqësor, fermerët jo vetëm që forcojnë pozitën e tyre në treg, por përfitojnë edhe mbështetje të plotë përmes Skemës Kombëtare, ku SHBB-të prioritizohen dhe financohen të parat me 100%.

Diskutuam gjithashtu mbi nismën “Dyfisho Sipërmarrjen Tënde”, e cila u krijon fermerëve dhe sipërmarrësve mundësi të investojnë në zgjerimin e aktivitetit, rritjen e kapaciteteve përpunuese, krijimin e më shumë vlerës së shtuar dhe forcimin e konkurrueshmërisë së sektorit agro-ushqimor.