Benet Beci nis kantierin për përmirësimin e blloqeve të banimit në Shkodër

Kryetari i Bashkisë Shkodër, Benet Beci, njoftoi nisjen e kantierit pranë pallatit me hark në sheshin “Isa Boletini”, si pjesë e projektit për përmirësimin e blloqeve të banimit në qytet.

Investimi realizohet nga Bashkia Shkodër në bashkëpunim me Agjencinë për Eficiencën e Energjisë dhe ka për qëllim rritjen e efikasitetit energjetik dhe komfortit për banorët. Projekti përfshin:

Termoizolim të 3,500 m² sipërfaqeve të fasadës;

Hidroizolim dhe termoizolim të soletave;

Zëvendësim të dritareve ekzistuese me dritare efikase dopio xham.

Beci u shpreh se punimet pritet të përfundojnë brenda 6 muajve, duke siguruar një përmirësim të dukshëm të standardeve të jetesës në këtë zonë.

“Ky projekt është një hap i rëndësishëm drejt modernizimit të blloqeve të banimit dhe përmirësimit të kushteve të jetesës për qytetarët tanë,” tha kryetari Beci.